डलरको भाउ किन बढ्दै छ?

काठमाण्डौ – नेपालमा अमेरिकी डलरको भाउ नयाँ उच्च विन्दुमा पुगेको छ। नेपाल राष्ट्र बैंकले सार्वजनिक गरेको आजको विदेशी मुद्रा विनिमयदर अनुसार अमेरिकी डलर १ को खरिद मूल्य १४३ रुपैयाँ ७४ पैसा र बिक्री मूल्य १४४ रुपैयाँ ३४ पैसा कायम गरिएको छ। यसअघि हिजो अमेरिकी डलरको खरिददर १४३ रुपैयाँ ५२ पैसा र बिक्रीदर १४४ रुपैयाँ १२ पैसा रहेको थियो। पछिल्ला दिनहरूमा डलरको मूल्य क्रमशः उकालो लाग्दै गएको देखिएको छ। अन्य विदेशी मुद्रातर्फ हेर्दा, युरो १ को खरिददर १६७ रुपैयाँ ८५ पैसा र बिक्रीदर १६८ रुपैयाँ ५५ पैसा तोकिएको छ। यस्तै, बेलायती पाउण्ड स्ट्रलिङ १ को खरिद मूल्य १९३ रुपैयाँ २७ पैसा र बिक्री मूल्य १९४ रुपैयाँ ०८ पैसा निर्धारण गरिएको छ। स्वीस फ्रयाङ्क १ को खरिददर १८० रुपैयाँ २९ पैसा तथा बिक्रीदर १८१ रुपैयाँ ०५ पैसा रहेको छ। भारतीय रुपैयाँ १०० को हकमा भने खरिददर १६० रुपैयाँ र बिक्रीदर १६० रुपैयाँ १५ पैसा तोकिएको नेपाल राष्ट्र बैंकले जनाएको छ। राष्ट्र बैंकका अनुसार आवश्यक परेमा यी विनिमयदरहरू जुनसुकै समयमा पनि संशोधन गर्न सकिने व्यवस्था रहेको छ।

देशविदेशविश्व